خالد ٽالپر: اديب ۽ استاد، خالد ٽالپر جو اصل نالو مولوي محمد صديق ٽالپر هو ۽ ’خالد‘ سندس تخلص هو . هيءُ ’خالد ٽالپر‘ جي نالي سان ئي مشهور هو. سندس جنم 28 ڊسمبر 1928ع تي ٽنڊي ڄام، ضلعي حيدرآباد ۾ ٿيو. سندس ڪيترائي ڪتاب تصنيف ٿيل آهن: جن ۾ ’بيدادي ننگري‘ به شامل آهي. اها هڪ مشهور اٽالين تصنيف آهي، جيڪا انقلاب فرانس کان ڪجهه وقت اڳ لکي وئي هئي ۽ ايترو ته مقبول ٿي جو تمام جلد ڪيترين يورپي زبانن ۾ ترجمو ٿي. ان جو عربيءَ ۾ ترجمو شيخ عبدالرحمان ڪواڪبيءَ ’استبداد‘ نالي سان ڪيو هو. ان جو ترجمو خالد ٽالپر سهڻي سليس سنڌيءَ ۾ ڪيو، جنهن جا ڪيترائي ڇاپا پڌرا ٿي چڪا آهن. ان کان سواءِ سندس هيٺيان ڪتاب ڇپيل آهن: (1) ’اسلام عليڪم‘ (مـذهـبيـات)، (2) ’آسـان قــرآني قــاعدو‘، (3) ’شمع اميد‘ (مذهبيات)،(4) ’الفوز الڪبير‘ (شاه ولي الله: ترجمو).
1928.12.28 عيسوي
اديب ۽ استاد، خالد ٽالپر جو اصل نالو مولوي محمد صديق ٽالپر هو ۽ ’خالد‘ سندس تخلص هو . هيءُ ’خالد ٽالپر‘ جي نالي سان ئي مشهور هو. سندس جنم 28 ڊسمبر 1928ع تي ٽنڊي ڄام، ضلعي حيدرآباد ۾ ٿيو.